შექმნის ისტორია და მიზნები
საქართველოს საარბიტრაჟო პალატა
საქმიანობის პირველივე დღიდან მიზნად დავისახეთ ჩვენი მომხმარებლებისათვის ისეთი მაღალკვალიფიციური მომსახურების გაწევა, რომლის შედეგიც იქნებოდა კანონიერი და ამავე დროს სამართლიანი წარმოება. ჩვენ ვზრუნავთ, რომ ბიზნესისთვის ყველაზე ძვირადღირებული - დრო, ფუჭად არ დაიკარგოს სასამართლოს დარბაზებში მრავალწლიანი სიარულით და ჩვენმა მომხმარებლებმა სამართლიანი შედეგით დაასრულონ მათ შორის არსებული დავები.
მრავალწლიანი საქმიანობის შედეგით ჩვენ დღეს ვამაყობთ, რადგან გვენდობიან და ჩვენი გუნდის მომსახურებით სარგებლობენ საბანკო ინსტიტუტები, ფინანსური ორგანიზაციები, სავაჭრო და სატრანსპორტო კომპანიები, ნავთობის ბიზნესში ჩართული სუბიექტები, სადაზღვევო კომპანიები და ა.შ.
რეკომინდირებული საარბიტრაჟო შეთანხმება
ნებისმიერი დავა გამომდინარე ამ ხელშეკრულებიდან და მასთან დაკავშირებული აქცესორული ხელშეკრულებებიდან, დაკავშირებული მათ გაუქმებასთან, შეწყვეტასთან, ბათილობასთან, ხელშეკრულებიდან გასვლასთან და მისგან გამომდინარე ნებისმიერ შედეგთან (მათ შორის უზრუნველყოფის ღონისძიებათა გამოყენებასთან), ასევე წინამდებარე პუნქტით გათვალისწინებული საარბიტრაჟო დათქმის ნამდვილობასა და არსებობასთან დაკავშირებული საკითხები განსახილველად და საბოლოო გადაწყვეტილების მისაღებად გადაეცემა შპს `საქართველოს საარბიტრაჟო პალატას~ (საიდენტიფიკაციო #205267389), რომლის იურისდიქციას მხარეები აღიარებენ ანულირების გარეშე. აღნიშნული არბიტრაჟი საქმეს განიხილავს თავისი დებულებით დადგენილი წესით. საქმეს, მისი სირთულიდან გამომდინარე, განიხილავს არბიტრაჟი ერთი ან სამი არბიტრის შემადგენლობით. არბიტრებს ნიშნავს და მათ რაოდენობას განსაზღვრავს არბიტრაჟი.
მხარეები დამატებით იღებენ ვალდებულებას მისამართის ან/და ფაქტობრივი ადგილსამყოფელის შეცვლის შემთხვევაში აცნობონ იგი არბიტრაჟს, წინააღმდეგ შემთხვევაში არბიტრაჟის მიერ კორესპოდენცია გაგზავნილი იქნება წინამდებარე ხელშეკრულებით გათვალისწინებული მისამართის მიხედვით და კორესპოდენცია (მათ შორის გზავნილი, გარკვეულ საარბიტრაჟო მოქმედებათა შესახებ შეტყობინება, განკარგულება, გადაწყვეტილება და ა.შ.) ჩაითვლება ჩაბარებულად (შესაბამისი თანმდევი სამართლებრივი შედეგებით).
ხელმძღვანელობა
ჩვენი გუნდი
მამუკა ღვინიაშვილი
დირექტორი და მუდმივმოქმედი არბიტრაჟის თავმჯდომარე
ოც წელზე მეტია, რაც მამუკა ღვინიაშვილი პრაქტიკულ საქმიანობას ახორციელებს იურიდიულ პროფესიაში. სხვადასხვა დროს იგი მუშაობდა საქართველოს უზენაესი სასამართლოს სამოქალაქო, სამეწარმეო და გაკოტრების საქმეთა პალატის ბიუროს უფროსად, გარდაბნის რაიონულ სასამართლოში მოსამართლის თანაშემწედ, ს/ს „გაერთიანებულ ქართულ ბანკში“ იურისტის პოზიციაზე.
მამუკა ღვინიაშვილს დიდი პრაქტიკული გამოცდილება აქვს სამოქალაქო და ადმინისტრაციულ სამართალში.
არის მოქმედი ადვოკატი და საქართველოს ადვოკატთა ასოციაციის წევრი. ასევე, გრიგოლ რობაქიძის სახელობის უნივერსიტეტის დოქტორანტი, რამდენიმე სამეცნიერო სტატიის ავტორი, კონფერენციების და ტრენინგების მონაწილე.
ლალი გოჩელაშვილი
არბიტრაჟის წევრი
ლალი გოჩელაშვილი 1991 წლიდან პრაქტიკოსი იურისტია. იგი სხვადასხვა დროს იყო ქუთაისის საოლქო სასამართლოს და საქართველოს უზენაესი სასამართლოს მოსამართლე. მოსამართლის თანამდებობაზე დანიშვნამდე ლალი გოჩელაშვილი ხელმძღვანელობდა ახალგაზრდა იურისტთა ასოციაციის ქუთაისის ფილიალს. ასევე იყო საქართველოს ადვოკატთა კოლეგიის წევრი და გერმანიის ტექნიკური თანამშრომლობის საზოგადოების (GTZ) სასამართლო რეფორმის ჯგუფის ექსპერტი სამოქალაქო სამართლის საკითხებში. 2006 წლიდან დღემდე არის სპს “ხაჩიძე და გოჩელაშვილების საკონსულტაციო ჯგუფის” მმართველი პარტნიორი და ამავე კომპანიის მუდმივმოქმედი არბიტრაჟის თავმჯდომარე. არის მოქმედი ადვოკატი და საქართველოს ადვოკატთა ასოციაციის წევრი.
გიორგი სულაკაძე
არბიტრაჟის წევრი
1997 წლიდან გიორგი სულაკაძე პრაქტიკულ საქმიანობას ახორციელებს იურიდიულ პროფესიაში. სხვადასხვა დროს იგი მუშაობდა საქართველოს იუსტიციის უმაღლეს საბჭოში, იუსტიციის სამინისტროში, არასამთავრობო ორგანიზაცია ინტერნიუს ნეტვორკში. ათი წლის განმავლობაში სამოსამართლეო უფლებამოსილებას ახორციელებდა თბილისის საქალაქო სასამართლოში. დიდი გამოცდილება გააჩნია საერთაშორისო, სამოქალაქო და ადმინისტრაციულ სამართალში. პარალელურად ეწეოდა პედაგოგიურ საქმიანობას ივანე ჯავახიშვილის სახელობის სახელმწიფო უნივერსიტეტში, ილიას სახელმწიფო უნივერსიტეტში, საქართველოს საზოგადოებრივ საქმეთა ინსტიტუტში (ჯიპა). არის მოქმედი ადვოკატი და საქართველოს ადვოკატთა ასოციაციის წევრი. აქტიურ მონაწილეობას იღებს სხვადასხვა კონფერენციებსა და ტრენინგებში.
საქმის განხილვის ხარჯები
საარბიტრაჟო მოსაკრებლის ოდენობა გამოითვლება დავის საგნის ღირებულებიდან და შეადგენს:
ა) 10 000 ლარამდე დავის საგანზე:
ბ) 10 001-დან 100 000 ლარამდე დავის საგანზე:
გ) 100 001-დან 500 000 ლარამდე დავის საგანზე:
დ) 500 001-დან 1 000 000 ლარამდე დავის საგანზე:
ე) 1 000 001 ლარის ზემოთ დავის საგანზე:
ვ) საარბიტრაჟო მოსაკრებლის მაქსიმალური ოდენობაა
ზ) განცხადებაზე საარბიტრაჟო სარჩელის მოსაკრებლის ოდენობა
და საჩივარზე სარჩელის უზრუნველყოფის შესახებ საარბიტრაჟო მოსაკრებლის ოდენობა შეადგენს 150 ლარს დღგ-ს გარეშე.